News

Minister Yadav directed the ministry to make Birjgunj ICP ready for inauguration in 3 days.

Summary

The Government of Nepal is preparing to operate the Nepal-India Integrated Checkpoint (ICP) in Birgunj soon .

Updated on : 03-04-2018


Minister Yadav directed  the ministry to make Birjgunj ICP ready for inauguration in 3 days.

 सरकारले वीरगञ्जमा निर्माण भएको नेपाल–भारत एकीकृत जाँच चौकी (आईसीपी) चाँडै सञ्चालनमा ल्याउने तयारी गरेको छ । सरकारले भारतको सहयोगमा हालै निर्माण सम्पन्न भएर हस्तान्तरणसमेत भइसकेको यो संरचना उद्घाटनको तारतम्य मिलाइरहेको छ । सोमवार आईसीपीको स्थलगत अवलोकनमा आएका उद्योग वाणिज्य तथा आपूर्तिमन्त्री मातृका यादवले ३ दिनभित्र यो पूर्वाधारलाई उद्घाटनयोग्य बनाउन निर्देशन दिएका छन् । मन्त्री यादवले सरोकारका सरकारी अधिकारीहरूलाई यस्तो निर्देशन दिएका हुन् । ‘सरकार कुनै पनि बेला आईसीपी उद्घाटनको तयारीमा छ । तपाईंहरूले चैत २२ गतेभित्रै यो संरचनाका बाँकी काम पूरा गर्नुहोला,’ यादवले भने ।

भारतले गतहप्ता नेपाल इण्टरमोडल यातायात विकास समितिलाई हस्तान्तरण गरेको आईसीपीमा भन्सार क्षेत्र घोषणाको प्रक्रियागत काम बाँकी छ । इण्टरनेट र सर्भर जडानको कामसमेत बाँकी रहेको समितिका अधिकारीहरूले बताएका छन् । आईसीपीका बाँकी कामलाई पूर्णता दिन कर्मचारीले वैशाख १ गते (अप्रिल १५)सम्म लाग्न सक्ने बताएकोमा मन्त्री यादवले चैत २२ (अप्रिल ५) भित्रै सम्पूर्ण काम सक्न निर्देशन दिए । आईसीपी व्यापारको विस्तार र आर्थिक अनुशासनका लागि पनि महŒवपूर्ण हुने दाबी यादवले गरे ।

वाणिज्य सचिव चन्द्रकुमार घिमिरेले चैत २२ पछि कुनै पनि बेला आईसीपी उद्घाटन हुन सक्ने भन्दै यो अन्य देशका लागि पनि उदाहरणीय बन्नुपर्ने बताए । विराटनगर, भैरहवा र नेपालगञ्जमा निर्माणाधीन आईसीपीको प्रभावकारितामा यहाँको अनुभव काम लाग्ने उनको भनाइ थियो । सचिव घिमिरेले यो संरचनालाई बहुउपयोगी बनाउनुपर्ने बताए । भारतमा जीएसटी कार्यान्वयनमा देखिएको समस्याका कारण नेपालको व्यापारमा समस्या भएको भन्दै उनले सहजीकरणका लागि भारतीय कूटनीतिज्ञहरूको ध्यानाकर्षणसमेत गराए ।

नेपालका लागि भारतीय राजदूत मञ्जीवसिंह पुरीले नेपालको वैदेशिक व्यापारका लागि सबैभन्दा नजीकको बिन्दु वीरगञ्जमा निर्माण भएको आईसीपीले नेपालको वैदेशिक व्यापारलाई सहजीकरण गर्ने विश्वास व्यक्त गरे । नेपाल–भारत सीमानामा दुवैतर्पm समान संरचनामा निर्माण भएको आईसीपीको भारततर्पmको संरचना निर्माण अघिल्लो वर्ष जेठमै सम्पन्न भइसकेको थियो ।

कर्मचारीलाई मन्त्रीको कटाक्ष

वाणिज्यका क्षेत्रमा आपूm नयाँ भएको बताएका मन्त्री यादव विभागीय कर्मचारीहरूलाई कटाक्ष गर्न भने अगाडि देखिए । नेपाल इण्टरमोडल यातायात विकास समितिका कार्यकारी निर्देशक लक्ष्मणबहादुर बस्नेतले आईसीपीको बाँकी पूर्वाधार मिलाउन अप्रिल मध्यसम्मको समय चाहिने बताए पनि यादवले २२ चैतभित्रै पूरा गर्न दबाब दिएपछि प्रतिवाद गर्न सकेनन् ।

भन्सार विभागका महानिर्देशक जगदीश रेग्मीले आईसीपीमा भन्सार प्रक्रियाका लागि भन्सार क्षेत्र घोषणा गरी राजपत्रमा प्रकाशित गरिनुपर्ने भएकाले समय लाग्न सक्ने बताए । मन्त्रिपरिषद्को निर्णयको जिम्मा आप्mनो भएको जवाफ मन्त्रीले दिए पनि महानिर्देशक पनि चूप भए । दबाबका अगाडि नाजवाफ बनेका कर्मचारीलाई मन्त्रीले ‘तयारी गर्न सक्नु हुन्छ कि हुन्न, अहिल्यै भन्नोस नत्र पछि मिडिया बोल्न पाइन्न’ भनेर कटाक्षसमेत गर्न भ्याए । कर्मचारीले सञ्चारमाध्यममा ‘बोलेको’प्रति असन्तुष्टि जाहेर गर्दै मन्त्री यादवले भने, ‘आजकल नेताभन्दा कर्मचारी बढी बोल्न थालेका छन् ।’

सुन्नै चाहेनन् सुझाव

आईसीपीका सम्भावित समस्या र पूर्वाधार सुधारका सुझाव भने मन्त्रीले सुन्नै चाहेनन् । कर्मचारीले गोदाम, सेड, पार्किङ, आईसीपीसँग सम्पर्क सडकलगायत पूर्वाधार सुधारको आवश्यकता औंल्याएका थिए । अन्य तीन स्थानमा आईसीपी निर्माण भएपछि यहाँको चाप स्वतः न्यून हुने भन्दै यादवले सञ्चालन नहुँदै समस्याका कुरा नगर्न निर्देशन दिए ।

कार्यकारी निर्देशक बस्नेतले अन्य आईसीपी सञ्चालनमा आएपछि पनि केही कार्गो अन्यत्र जान सक्ने, तर भौगोलिक अवस्थिति र ढुवानी सहजताका कारण वीरगञ्जको चाप खासै नघट्ने बताएका थिए । उनले पूर्वाधार सुधारको आवश्यकता औंल्याए । अन्य आईसीपी अहिले निर्माणकै चरणमा छन् ।

कार्यक्रममा सहभागी वीरगञ्ज उद्योग वाणिज्य सङ्घका अध्यक्ष ओमप्रकाश शर्माले पनि गोदाम अपर्याप्त हुने दाबी गरे । उनले निर्माणअघि नै आपूmहरूले दिएको सुझाव सुनुवाइ नभएको गुनासोसमेत गरे ।

सञ्चालनको व्यग्र प्रतीक्षा

सन् २००५ मा सम्झौता भएर २०१० मा शिलान्यास भएको यो संरचना ८ वर्षमा निर्माण पूरा भएको हो । सन् २०१३ मै सञ्चालनमा ल्याउने लक्ष्य राखिएकोमा ठेकेदारको ढिलासुस्ती, निर्माण सामग्रीको अभाव, मुआब्जाको विवादलगायत कारणले ढिलाइ भएको हो । भारततर्फ १ सय र नेपालको १ सय १५ बिगाहा क्षेत्रफलमा निर्माण भएको यो आईसीपी पूर्वाधार र लगानीका दृष्टिले अन्य निर्माणाधीन आईसीपीभन्दा ठूलो हो ।

Source:http://www.abhiyan.com.np


Most Recent News

TitleCategoryCreated On
News2019-07-12 13:40:14
News2019-07-12 13:19:27
News2019-07-12 13:01:28
News2019-07-12 12:18:44
News2018-06-07 12:58:22

Search Al News

Member Area

Search this Site
Contents
Search Trade Information
 




 

 

 

 

Information and Articles
 






 

 

 


Important Links
 

NTIP Promotional Video 

Preferential Tariff from USA 

Trade Data of Nepal

Register Business in Nepal

Exchange Rates

WTO Speak

WTO Legal Text

WTO Document & Resources

Doing Business in Nepal

ITC Trade Map 

International Trade Centre

CBI Netherlands 

EU Trade Export Helpdesk 

AUMA

Nepal Trade Integration Strategy (NTIS) 2016

Upcoming Events