अन्तःशुल्क नियमावली, २०५९(२००२)

नियाम ३- इजाजतपत्रको लागि निवेदन दिनु पर्ने ः कुनै व्यक्ति, फर्म कम्पनी वा संस्थाले अनुसूची–२ मा उल्लेख भएका अन्तःशुल्क लाग्ने वस्तु उत्पादन, पैठारी, विक्री वा संचय गर्न वा अन्तःशुल्क लाग्ने सेवा कसैलाई प्रदान गर्न चाहेमा सोही अनुसूचीमा तोकिएको इजाजतपत्र दस्तुर समेत संलग्न गरी अन्तःशुल्क अधिकृत समक्ष अनुसूची–१ बमोजिमको ढांचामा निवेदन दिनु पर्नेछ ।

नियाम ५- इजाजतपत्रको अवधि तथा नवीकरणः (१) नियम ४ बमोजिम दिइएको इजाजतपत्र एक आर्थिक वर्षसम्मको लागि कायम रहनेछ ।

(२) इजाजतपत्रवालाले उपनियम (१) बमोजिमको इजाजतपत्रको अवधि समाप्त भएको मितिले एक महिनाभित्र अनुसूची–२ मा तोकिए बमोजिमको नवीकरण दस्तुर विभागले तोकेको अन्तःशुल्क अधिकृत समक्ष बुझाई एक आर्थिक वर्षको लागि इजाजतपत्र नवीकरण गराउनु पर्नेछ ।

 (३) उपनियम (२) बमोजिमको अवधिभित्र इजाजतपत्र नवीकरण नगराउने इजाजतपत्रवालाले सो अवधि समाप्त भएको मितिले छ महीनाभित्र अनुसूची–२ मा तोके बमोजिम नवीकरण वापत लाग्ने दस्तुरमा पचास प्रतिशतले थप दस्तुर र बक्यौता अन्तःशुल्क रकम समेत बुझाई एक आर्थिक वर्षको लागि इजाजतपत्र नवीकरण गराउन सक्नेछ ।

(४) उपनियम (३) मा तोकिएको अवधि समाप्त भएपछि नवीकरण गराउन चाहेमा अनुसूची–२ मा तोकिए बमोजिमको नवीकरण वापत लाग्ने दस्तुरमा प्रत्येक आर्थिक वर्षको लागि सतप्रतिशत थप दस्तुर र वक्यौता अन्तःशुल्क रकम समेत बुझाई इजाजतपत्र नवीकरण गराउन सकिनेछ 

आवश्यकता कागजातहरु

१ नागरिकताको प्रतिलिपि

२ कम्पनी दर्ता प्रमाणपत्र

३ उधोग दर्ता प्रमाणपत्र

४ भ्याट / पान दर्ता

५ कच्चा माल आयात सन्दर्भको देश र कम्पनीको विवरण कागजातहरु

६ कच्चा माल को खरीद सन्दर्भमा कम्पनी संगको  सम्झौता पत्र