Legal Documents
View Procedure
Procedure Name | कूटनीतिक सुविधा |
Description | भन्सार नियमावली, २०६४ नियाम ३ : कूटनीतिक सुविधा वा महसुल सुविधा दिन सकिनेः (१) ऐनको दफा ९ को उपदफा (१) बमोजिम कूटनीतिक सुविधा वा महसुल सुविधा पाउने निकाय, पदाधिकारी वा व्यक्तिले त्यस्तो सुविधा लिनका लागि सुविधा लिन खोजेको मालवस्तुको विवरण, मूल्य र परिमाणसमेत उल्लेख गरी परराष्ट्र मन्त्रालयमा निवेदन दिनु पर्नेछ । (२) उपनियम (१) बमोजिम प्राप्त निवेदनउपर जाँचबुझ गर्दा कूटनीतिक सुविधा वा महसुल सुविधा दिनु पर्ने देखिएमा परराष्ट्र मन्त्रालयले अनुसूची–१ बमोजिमको ढाँचामा दुई प्रति सिफारिस फाराम भरी विभागमा पठाउनु पर्नेछ । (३) उपनियम (२) बमोजिम सिफारिस फाराम प्राप्त भएपछि विभागले एक प्रति सिफारिस फाराम सम्बन्धित भन्सार कार्यालय वा करमुक्त पसलमा कार्यान्वयनका लागि पठाउनु पर्नेछ । (४) उपनियम (३) बमोजिम सिफारिस फाराम प्राप्त भएपछि सम्बन्धित भन्सार कार्यालय वा करमुक्त पसलले सो सिफारिसबमोजिम सम्बन्धित निकाय, पदाधिकारी वा व्यक्तिलाई कूटनीतिक सुविधा वा महसुल सुविधा दिनु पर्नेछ । (५) उपनियम (४) बमोजिम कूटनीतिक सुविधा वा महसुल सुविधा दिएको विवरण सम्बन्धित भन्सार कार्यालय वा करमुक्त पसलले विभागमा पठाउनु पर्नेछ र सो विवरणको एक प्रति अभिलेखका लागि आफ्नो कार्यालयमा राख्नु पर्नेछ । (६) यस नियमको प्रयोजनको लागि परराष्ट्र मन्त्रालयले कूटनीतिक सुविधा वा महसुल सुविधाको सिफारिस गर्ने फाराममा दस्तखत गर्ने आधिकारिक व्यक्तिको दस्तखतको नमूना अग्रिम रुपमा विभागलाई उपलब्ध गराउनु पर्नेछ । |
Category | Procedure |
Title | Description | Create Date | Update Date | Issued By | File |
---|---|---|---|---|---|
कूटनीतिक सुविधा वा महसुल सुविधा दिन परराष्ट मन्त्रालयले सिफारिस गर्ने फारामको | कूटनीतिक सुविधा वा महसुल सुविधा दिन परराष्ट मन्त्रालयले सिफारिस गर्ने फारामको ढाँचा | 2016-05-16 | 2016-08-22 | भन्सार विभाग |
Name | Measure Type | Agency | Description | Comments | Legal Document | Validity To | Measure Class |
---|---|---|---|---|---|---|---|
कूटनीतिक सुविधा वा महसुल सुविधा | सिफारिस आवश्यकता | अर्थ मन्त्रालयम | कूटनीतिक सुविधा वा महसुल सुविधा | कूटनीतिक सुविधा वा महसुल सुविधा पाउने निकाय, पदाधिकारी वा व्यक्तिले त्यस्तो सुविधा लिनका लागि सुविधा लिनको लागि | भन्सार नियमावली, २०६४ (२००७) | 9999-12-31 | Goods |